Archieven

ende heeft gehoort dat IJeffken doen bekenden dat Jan Dirck Aert Smits van haerent wegen hadde geschoten aen Diricken Otters de somme van vyftich gulden, welcke vijftich gulden waren gecomen van den onmundigen kunderen van Frans Aert Smits, ende dat voerscreven IJeffken heeft begeert in haren testament dat dese vijfftich gulden souden blyven staen in des voerscreven Diricx huysvrouwen kyntsgedeelt, d'welck haer aencomen soude nae de doot van IJeffken voerscreven. Oft dat de voerscreven Dirick in de deylinge soe lange souden stil staen, dan die andere kynderen Dirick Aert Smits elck hooft voer hoeft soe goeden vyftich gulden daer tegen hadden. Oft dat de voerscreven Dirick den voerscreven kynderen daer aff soude blyven gelden den jaerlicxe pacht ter tyt toe dat hy doe vijftich gulden betaelden.
De voerscreven Catelijn seggende redenen haerder welwetenheyt day zy dier tyt woonden by Jan Dirck Aert Smts, tot wiens huyse de voerscreven IJeffken is gestorven, ende zy deponente daer voer IJeffken dicwils hadde vermaent, dat sy doch maecken soude, dat die kynderen van Frans Aert Smits dese vijftich gulden wederom souden hebben.
Ende de voerscreven heer Roeloff, pastor, tuycht warachtich te zyne dat ten tyde doen IJeffelyken voerscreven sieck te bedde lach, hy der selver IJeffken heeft geadministreert de sacramenten der heyligen kercken, ende dat IJeffken doen begeerden in haeren testamente dat de vyftich gulden die welck Jan Dirck Aert Smits gescoten ende getelt had van wegen Yeffken voersscreven aen Dirck Otters, souden in Diricx huysvrouw kyntsgedeelt blyven staen, ende daer aff betaelen den jaerlycxen pacht aen den kynderen van Frans Aert Smits. Oft dat Dierck voerscreven in de deylinge soe lange sude stil staen, dan die kynderen van Dierck Aert Smits elck hooft voer hooft soe goeden vyftich gulden daer tegens hadden.