Archieven

11 Willem sone wijlen Hendrick Jan Cranen, geassisteert met Aert Hendrick Aertssen ende Gijsbert Jan Cluijtmans tot deese alleenlijck sijn vercoren momboiren Goijaert Janssen van Dinther man ende momboir Jenneken sijne huijsvrouwe, ende Handrick Janssen vanden Kerckhof man ende momboir Marije sijnder huijsvrouwe dochtere wijlen Handricx Jan Craenen voirgenoemd, bij den selven Handricken ende wijlen Beelken sijnder huijsvrouwe dochter wijlen Aert Hendricxssen van Taertwijck wettelijck verweckt. Ende hebben bekent ende beleden met malcanderen aengegaen te hebben eene erffscheijdinge ende erffdeijlinge van de erffgoederen hen van wegen henne vader voirschreven aengecomen. Aen de voorschreven Willemen met sijnen voorschreven momboiren ten behoeven deselffs Willemen o.a. een stuck erffve tot saijlants als weijlants genoempt de Blommenhoff, gelegen binnen der parochie van Vechel ter plaetsen genoempt aenden Blaeuwen steen. Aen Goijaert Janssen van Dinther o.a. de stede ende erffenisse inde Donderdonck te weeten huijs, hoff, saijlant, weijlant etc. Chijns int boeck van Helmont. Aen Handrick Jansen van de Kerchoff o.a. een huijs hoff, schuer backhuijs metten boomgaert, gestaen ende gelegen ter plaetsche Eerschot. Aldaer tusschen erffenisse Joncker Banci deen sijde ende tusschen erffenisse Dirck Janssen Ketelaer dander sijde, streckende vande gemeijne Dommelstroom totter gemeijn straete. Alnoch een stuck erffe tot saijlant genoempt het campken, gelegen ter plaetsche voirschreven, aldaer tusschen erffenisse der erffgenamen Peeter Jan Denisse? ende anderen deen sijde, ende erffenisse der Bisschop van Ruermonde? dander sijde streckende vande erffenisse Joncker Absolons totter gemeijne straete. Alnoch ee stuck saijlants geegen ter plaetsche voirschreven inde Verwe genoempt, aldaer tusschen erffenisse meester Jans chururgijns? deen sijde ende erffenisse Melchior Donckers dander sijde ende deen eijnde, streckende metten anderen eijnde op erffensse der pastorije tot Eerschot.