Archieven

104 Voor Arien Coel Zebenss ende Peter Roeleffs, schepenen in Berlicum, zijn verschenen Jan Simonss ende Simon Rutten ende Rut Simonss sijn broeder ende Nesken wedeue wel eer Henrick Boekentoep ende hebben ghedelt een recht erfdeijllenge als dat Jan Simonss voers hebben sal een huijs hoef ende erffenisse met den eesthuijs ende als soe bret met den boert van den grave streckende recht wt neven der ghemeijnder straten aen ghenven van der eeijck aen die nuijssen op die beck ende noch daer bij den beck ecker ende die groete beck ende hier sal Jan voers wt blijven ghelden allen jaer 2½ rijnsgulden ter sieker tot hemte ende noch sal Jan hebben 3 bonder weijlans in Berlicum gheheijten in leijsbroeck, belendingen: Rut Rut Roelenss; dat convent vander Claren; de ghemeijnder stege; Henrick Evertss; ende daer wt sal Jan ghelden alle jaer dat convent 15 capuijn te betalen des sondach nae sunte Andries; ende Jan voorscreven sal hebben enen halven heijcamp in Berlicum dat vorste eijnde, belendingen: Loef van scutwick; dat convent van der claren met kijnder Rut Sijmonss; de ghemeijnder stege; .. camp; ende Jan sal dat afterste eeijnde moghen ende dat hecken houden; item sellen hebben ende besitten Simon Rutten ende Rut Sijmonss sijn broeder Nesken wedeue henrick Boeckentoep die schoer met den scoep ende met den ecker daer bij aen ghelegen gheheijten den papen ecker met den wech hebbende met den uijden boeghert ende hier wt sellen Simon, Rut ende Nesken wedeue voors ghelden alle jaer 11 stuivers in dat boek van Helmont. Ende noch een stuck lans gheheijten morren hoel met een .. beck daer bij ghelegen, belendingen: die beck; Jan Sijmonss; Gherit Bauuenss; Jan Simons voors; item noch 3 bonder lans in Berlicum gheheijten in leusbroeck, belendingen: dat convent van der claren; Jan Simonss;