Archieven

110 'Alsoe questie ende verschil is ende alnoch zijnde tusschen Marten Meeus ter eenre, ende Rut Jan Rutten, in den naeme als hoevenaer van Joncker Johan van Lanckvelt ter andere zijden, ende dat om eenen vaerwech te comen van den voirschreven Rut, om te labueren ende gebruijcken alsulcken tuellant als gelegen is binnen deser prochie van Vechel int Akert, ende de voirschreven questie van den wech noch ter tijt nijet geslicht zijnde, ende den voirschreven Rut zijne gehuert tuellant geerne soe desbehoijrt soude besaeijen ende opt voirschreven lant nijen en conste met wagen ofte ploech gecomen sonder te beschadigen de vruchten aldaer gesaeijt zijnde daer hij Rut te voorens hadde gevaeren, alles refererende nae den vonnisse voor heeren schepenen in Vechel daer aff gepasseert zijnde. Soe ist dat Marten Meeus den voirschreven Rit voor dese reijse ende labueringe van den lande heeft geconsenteert ende te vreden geweest dat Rut voirschreven heeft mogen comen over zijne erve soe hij seydt tot opt voirschreven landt om tselve te besaeijen, sonder voirdere consent daer nne te gebruijcken ten waere daer inne anders worden versien'.
Schepenen: Rut Jan Rutten Cluytmans en Dierck Willem Henrickx