Archieven

158 Goessen Gerits [55], Hanrick Jan Eymerts [45], Willem Willemss. [50], gedaecht van den vorster van Schyndel ende geeedt vanden heere of synen stathelderende hebben getuygt ter instantien van Ariaen Ariaenss. alias Brooren (?) op sekere interrogatorien voir ons scepenen geexhibeert ende overgegeven ende hebben getuyght gestaefs eedts dat hen ter goeder memorien wel kenlick is dat Peter Gerit Goessenss. ten huwelick is geweest ende getrout hevet gehadt Elsken dochter Aert Peter Hellincxss. ende die te samen verwect twee soenen ende na doen dat sy te samen die twe sonen verwect hebben soe is Peter vs. hen vader overleden ende gestorven ende dat die voirs. twe sonen hebben geloeft inder menselicker formen by enen jair of dair omtrent nae den doot van hens vaders voirs. ende want gotlick etc. actum 8 november 1580, testes Huygh van Berckel ende Zebert Janss. scepenen – den vorste rhevet sheren gerechticheyt ontfangen; alsoe die gueden van den kynderen Herbert Gerits ende Jan van Bort die sy verwect hebben bi Sophia dochter Peter Bartolomeuss. ondeylbar syn ende somwylen qualick verhueren cunnen dwelck Eymert Rutger Janss. is beclagende geweest aen den heeren scautet scepenen der bancken van Schyndel wair toe dat tot synder assistentiem van den heere van Gestel zekere tutoren ende mombaren nu den xviii dach der maent february anno 1579 met name Claes gerit Artss., Goeyert Willems ende Hanrick gerings als van wegen Herbert Gerits kynderen, Lenart gerits, Lenart Janss. van Rogge lende Frans Lamberts als van wegen jan van Boert kynderen om die gueden ten meesten ende besten orbar te regeren hetsij te verhueren of te vercoopen na uytwysen des monberbriefs voirs. ende dien brede inhelt ende begrypt; soe syn syn die gueden drie sondagen inder kercken van Schyndel van den vorster geveylt op eenen zekeren dage dair op sittende te vercopen in een openbaer herberge