Archieven

230 Arien soen wijlen Jacob Goijaert, Katerijn, dochter wijlen Jacob Goijaerts cum tutore solito et met haer Jacob, Arien en Frans haere wittigen kijnderen, vercregen bij Peteren soen wijlen Thijs Rombouts zoen hebben erffelijck vercoft en opgedraegen Jacob Doelvoet Wijnants wilner twee sess gedeelten hen toebehoerende en hen aenverstorven van Geertken henre moeder in hennen weduwlijcke stoel, in die helft van een beempt geheijten den Knesel, welcke helft rijt jaerlix tegen die andere helft, gelegen den heelen beempt aent Loe Eijnde, deen sijde erfgenamen Henrick Boerten, dander sijde Aert Versantvoert, deen eijnde Lambert Greveraet van Coelen, dander eijnde Jan van Hout en hebben Arien, Lijn cum tutore Jacob, Arien en Frans haer soen vs. geloevende die selve en sterck maeckende voer Thijssen en Aert Peters als man en momber Marijen sijnre huijsvrouw, dochter Peters Thijssen en Katrijnen vs. en voer Mechtelden, dochter Peters en Lijnen vs. onmondich, helmelinge vertegen opt die vs. twee ses gedeelten der helften des beempts vs. geloevende voert als principael sculderen ondersceijen op hen en allen hen gueden hebbende en vercrijgende dat vercoeperen opdragen en vertijen altoes vast en stedich te houden en tselver erffelijck te vrijen en te weren voer allen voercommer en voer alle die gheen die daer met recht op spreken moegen, uit gesceijden een negenmenneke gront chijns den erfgenamen Gerit Hoerkens.
Heeft Jacob vs. geloeft uit sijnen hofstadt jaerlix te vergelden Katerijnen vs. tot haerder tochten en haeren kijnderen vs. tot haeren erfrecht xxv stuivers te vergelden alle jaer op Lichtmis te lossen altoes op Lichtmis met xxv Carolus gulden xx stuivers stuck gevalueers gelts.
Heeft die selve Jacob vs. noch geloeft Arien Jacobs vs. tot sijnre tochten en zijn wittige kijnderen, verweckt Lijsbet, dochter wijlen Joest Spijrinx tot hennen erffrecht xxv stuivers te betaelen alle jaer op Lichtmis uit den twee gedeelten des vs. bempts,