Archieven

5 Anthonis Jan Wijnen en Michiel Arien Donckers cum suis, 'als borgemeesteren deses tegenwoirdigen jaers anno 1626 binnen desen dorpe van Vechel, hebben vuijt crachte van henne procuratie bij schepenen ende naebueren gegeven, Arien Luijcas ingenomen te wesen een naebuer van Vechel ende te schieten ende genieten als een van onse mede andere naegebueren, vergunnende alsoe den voirschreven Arien de weerschappe alwaer hij nu tegenwoirdich heeft een huys getimmert, staende ontrent het Eerde, binnen onsen dorpe voirschreven genoempt aen den Wullevers hoeck, wesen hij ende zijn naecomelingen 't voirschreven huijs ende erve toecomende gepreviligeert als onse andere naebueren, midts condicien dat Arien Luijcas voirschreven ofte zijne oijren ende naecomelingen nu ofte ten toecomenden tijde noijt en sullen mogen timmeren enige huijsinge daer ontrent tegens over ter plaetse voirschreven op erffenisse hem Arien voirschreven aengecomen van Evert Henricx zijns huijsvrouwen vader. Renoncierende midts desen op alsulcke weerschappe aks hij was hebbende ter plaetsen ende erffenisse voirschreven'.
Getuigen: Antonis Jan Wijnen, 'burghemester', Michgil Ariens Donckers, 'burgemesters', Anthonis Jacops en Rut Jan Cluytmans