Archieven

8 Voor Henrick Evertss ende Gherit Colenss, schepenen in Berlicum, zijn verschenen Jan, Zeeb ende Willem kijnder Arien Colen ende Hees Col Zeben dochter ende kijnder Mette Col Zeben dochter dije sijn veruecht heeft bij Henrick Mannertss te weten Zeeb, Art, Griet, Luijt, Heijl ende Peter Colen ende Marij Coel Zeben dochter ende Matheus Janss als man van Luijt sijnder huijsfraue kijnder Coel Zeben. Dezen maken een erfdeijlenghe op allen alsolken ghoet als hem aen verstorven is van Coel Zebenss horen vader.
Inden iersten soe sellen Jan, Zeeb ende Willem kijnderen Arien Colen hebben enen ecker gheleghen in Berlcium aen die vest 12 lopense lans, belendingen: erffenisse dat convent van Ulenborch; Thomas Lambertss; Rut Jacopss; die ghemeijnt; ende wt dese ecker sellen dese drie ghebruederen gheven alle jaer 7 pont dat closter van dat Cauwater; noch 6 pont een ghasthuijs ten Bosch gheheijten den block. Noch soe sellen dese drie ghebroederen voorscreven hebben een mudde erf rogge aen Jorden Martens dat Coel Zebenss vercreghen heeft in enen scepenbrief vanden Bosch. Ende Hees Thonis Gerits huijsfrau was een dochter Coel Zeben sal hebben alle jaer 14 pont aen kijnderen Rut Simons dat Coel Zebenss vercreghen heeft in scepenen brieven van Berlicum ende noch 5 pont aen Jan Ghijbenss vercregen in scepen brieven vanden Bosch. Item kijnder Henrick Mannertss die hij verueckt heeft bij Metten een dochter Coel Zebenss 6½ gulden op Heeswick dat Coel Zebenss vercreghen in enen scepen brief vanden Bosch. En noch soe sal Peter Colen hebben 2 mudde rogge ghaende wt erffenisse Henrick Mannerts wel eer Seel Josten. Item Marij Coel Zeben dochter die sal hebben 6½ gulden alle wel op Heswick die Coel Zebenss vercreghen heeft in enen scepen brief vanden Bosch. Item Matheus Janss als man van Luijt sijnder huijsfraue sal hebben een stuck lans gheleghen inden hoeven gheheijten den block 7½ hont groot ghelick als Coel Zebenss voorscreven heeft in enen scepen brief vanden Bosch.