Corstiaen Henrickss. van der Aa verclaert voir schepenen dat hy syn dispositie oft getuychenisse dat hij gegeven heeft aengaende de paelsteeckeninge vanen erffenisse dat Jan Aerts vanden erffgenamen Jan Joachims heeft gecocht, sal waer maecken ende verficeren by aldyen daer nyemant op en letten ende blyf alsoo byder dispositien by hem voermaels gegeven
Mijn Heeren Schepenen ordineeren Corstiaen Henrickss. van der Aa dat hy voer sondach toecomende sal overleveren alle brieven bescheet ende documenten oft munnimenten die men totten erffenisse dat Jan Aerts van Helmont van den kynderen Jan Joachims heeft gecocht alle de geene die hy heeft weet of can becomen op pene van ses gulden te gaen nae den pene rechte met verificatie van synen vs. getuychenisse
Geraert Geraertss. van de Ven out ontrent lx jaeren
Mijn Heeren Schepenen met hennen geassocierde verclaeren dat parthijen hier inde zullen gehouden zijn op een maendach toecomende myddage inne te brengen allen henne brieven bescheet documenten ende munnimenten die zj elck respective syn hebbende van hennen erffenissen syn hebbende sonder ennige achter te latene ende dat onder eedt te bevestigen ende wat sy alsdan nyet inne te brengen en sullen zy naemales nye tmeer tot hennen voirdele of defensien mogen innebrengen ende soo sy ennighe daer nae voorts brengen sullen wesen machteloes ende nul ende die zelve gesien hebbende sullen mynen heeren schepenen alsdan voorts procederen tot accordt ende liquidatie van den vs. questie