Archieven

237 Anthonis sone wijlen Jan Geraert Lambrechts van der Heijden, Lamberth Sijmons van der Haegen, met Ghijsbert Willems van den Bogaert als geabonneert? ende bij wijlen Jan Geraert in sijn leven momboiren over Geraerden Handricken ende Jannen sonen gebroederen, Cristina ende Marije dochtere gesusteren alle onbeijaerde kijnderen van wijlen Jan Geraert Lambrechts van der Heijden bij den selve ende wijlen Elijsabeth dochter wijlen Willem Welthen sijne huijsvrouw wettich verweckt. Ende hebben bekent end beleden bij deesen eene erffschijding ende erffdeijlinge met malcander te hebben aengegaen, van alle de erffelijcke goederen hen condividenten bij afflijvicheijt van wijlen henne voirschreven ouders aengecomen ende op hen verstorven. Aen Anthonis o.a. een huijs, hoff metten saijlanden, weijland ende hoijbeemt ter plaetse aen malcanderen gestaen ende gelegen binnen der parochie ende dorpen van Vechel ter plaetse Dorshout, genoempt het Vossenhool aldaer, tusschen erffenisse Jan Janssen Leesten deen sijde ende de gemeijnte van Vechel dander sijde ende eenen eijnde, streckende metten anderen eijnde op erffenisse Lambert Hendrikx ende de wedue Willem Martenss. Daertoe sal weesen den timmer van eenen schop, soo die daertoe is berijt, metten plancken totte solderinge. Aen Geraert parcheelen lant o.a. genoemt het Beemptstuck, den Hogen acker etc. Aen Handrick o.a. een huijs, hoff metten ersthuijs bij Wouter Willem Welthen metter erffenisse daeraen liggend ende daertoe behorende, gestaen ende gelegen te weten het huijs met het hooffken onder de parochie van Vechel, ende het saijlant onder Sint Oedenrode aen de Eerde. Aldaer tusschen erffenisse Wouter Willem Welten voirschreven deen sijde, ende tusschen erffenisse Jan Jan Dircxss tot Vechel totter gemeijnte van Vechel. Een van de reengenoten is Marije wedue Ruth Cluijtmans.